يالگلِت گومي اوياي خدرچ عالي بحماي

ياللي اكفلتني ..

عدمن عفتني عدمن عفتني

يا عباس آنه اختك و اشكيلك حالي

يالجبتني امن الوطن وانته الوالي

و اتكفلِت طول الدرب تبرالي

مهيوبه ابعزِّتي و محجوب اخيالي

يالوالي اوياك اجيت ترجع بيَّه اتمنِّيت

ياللي جبتني ..

عدمن عفتني عدمن عفتني

آنه اختك زينب بالإبه معروفه

رضه يخويه أتيسّر مچتوفه

من بعدك حاربني الدهر و اصروفه

ريتك تگوم الحالي خويه اتشوفه

افگدِت دلالي الچان بعدك يا راعي الشان

يالدللِّتني ..

عدمن عفتني عدمن عفتني

و لمَّن يسرونه چتالك حادينه

و كل مدينه الندخلها اتعيِّد بينه

لا والي لا نغَّار الينغر لينه

عن الشماته نتستَّر بدينه

و الحادي زجْر ايصيح لو منَّا طفله اتطيح

يالفارگتني ..

عدمن عفتني عدمن عفتني

غدر الدهر راوانه اشكثر نكبات

و الأشد واصعب شِمّاتة الشِمّات

واحنا حريم و نتحمّل هاللوعات

تسبينه الزمره المعدومه منِّ الذات

لا والي لا حمّاي يحمي العيله الويّاي

يالحيَّرتني ..

عدمن عفتني عدمن عفتني

و من ايسإلوني يا خويه اجموع الناس

هاي اختمن مو چتنها إخت العبَّاس

و اشلون خلاّها توليها الأرجاس

مو من شيمِته ويقبل راعي النوماس

و من طفلنه ايسإلون هاذي امنين الضعون

و لو ناشدتني ..

عدمن عفتني عدمن عفتني

شنجاوب التنشدنه ها إنتو امنين

و شنهو السبب عيله ابيسُر متيَّسرين

واينادونه يالخارجين اعلى الدين

و احنه حراير آل النبي ياسين

وعدك إلي انطيته و ما أظن نسيته

يالواعدتني ..

عدمن عفتني عدمن عفتني