الحَكَم ألإسلام

«ميمر»

دينيه دينيه سلطنه إو دينيه

سلطنة حامي الجار

نص عليها المختار

سلطنه او دينيه حكمه ربانيه

سلطنة حيدر من مراسيم الدين صادر امرها والأمر صدرها

أتبشر محمد بيها من التكوين وابتشر بيها او لمته بشرها

واتدونت باللوح يوم التدوين والقلم حرر والوحي قررها

رسميه رسميه امصدقه او رسميه

بستناد الآيات

بعتراف الطاعات

امصدقه او رسميه حكمه ربانيه

سلطنه او مغروسه بصميم الإسلام ثابت غرسها والرسول اغرسها

گبل الوجود او من گبل حام او سام قدسيه سرمد سرمد القدسها

او شرعت قوانين او مناهج واحكام يصعب درسها او ناجح اليدرسها

علميه علميه نابغه او علميه

والعلم يتفجر

من بلاغة حيدر

نابغه او علميه حكمه ربانيه

للدين من نظم محمد دستور لهل الديانة اومن لطف ديانه

وابصهوة الدين انبنه عرش النور او سلطانه حيدر واعتله ابسلطانه

هالعرش ما يتزلزل النفخ الصور ثابته اركانه والعقيدة اركانه

مبنيه مبنيه عالعدل مبنيه

والأساس القرآن

والبناه الأيمان

عالعدل مبنيه حكمه ربانيه

صيغ الباري السلطنة حيدر تاج واعقود جوهر من معادن جوهر

من كوكب الدري اوسراج الوهاج تاج او تصور من بهاء الصور

شافه محمد من صعد للمعراج بالبيت يزهر والمتوج ازهر

روحيه روحيه سيطره او روحيه

من مضامين اللوح

والعلن بيها الروح

سيطره او روحيه حكمه ربانيه

سلطنه او رصدت بالعوالم مرصد خوض ابعلمها واكتشف عالمها

جن او أنس تتطوع او تتجند تخدم علمها والملك لازمها

حيدر ملكها أو بالرسول اتأيد منه استلمها العترته سلمها

ذريه ذريه للهادي ذريه

گامت ابأمر الدين

تسعة غير السبطين

للهادي ذريه حكمه ربانيه

عگب الرسول او حيدر العامر طاح امن الدين واينادي هلي أميتميني

لاچن بناه احسين بالطف من صاح إخذيني يسيوف الأعادي إخذيني

دمي او دم گومي او هلي من ينباح واستخلف الله باستقامة ديني

راعيه راعيه وألأمر راعيه

رد عله الدين الراح

بالمهج وألأرواح

وألأمر راعيه حكمه ربانيه

للدين ضحه حسين إخوته إو گومه إو ثبت وجوده إبتضحية وجدانه

إو حسّن معانيه إبنجيع إدمومه والدين بالطف إنرسم عنوانه

والنشرت إبسبي العيال إعلومه إو وردّ الكيانه إو شيدت بنيانه

مسبيه مسبيه زينب المسبيه

ركّزت ألإسلام

دينه إبخطاب الشام

زينب المسبيه حكمه ربانيه