راية النصر والخلود

«مجرشه مذيله»

من آيات بارينه ..

راية علينه ..

ما ينّكر ماضيها والنصر منها او بيها

بالدارين تحمينه ..

راية علينه ..

مو رايه آيه محكمه او يتشعشع امن الرايه نور الهدايه

رايه او علت بالغانمه او يتفجر من الرايه بحر المنايه

بالرايه وابحامي الحمه نية العالم رايه اوحب الولايه

بيه الناس مختلفه ..

للحق يعرفه ..

ذاك الحفظ وجدانه والمهتدي ابإيمانه

والإيمان تكوينه ..

راية علينه ..

بالرايه عنوان الشرف والشرف منها او بيها دسمع يجاحد

والعالم ابأسره اعترف بالرايه وابراعيها والنكر مارد

واتشاهد الحگ انعرف بسرارها او ماضيها والماضي شاهد

بسم السيف حاملها ..

ناشر فضلها ..

وشرع الإسلام اتمكن يتمركز او يتسلطن

والإسلام تمكينه ..

راية علينه ..

المله والدين الدرع ينّسج من ناتجها او تحفظ كيانه

نشرت أصوله والفرع واتنظم ابمنهجها نهج الديانه

حاججت سكان السبع بالسيف والحاججها گصت إلسانه

والتوحيد شاهدها ..

والعدل حدها ..

الله او رسوله يشهد كل مورد اوكل مشهد

خلعة زود تچسينه ..

راية علينه ..

طالع ابتاريخ المجد راية علي اتمثلها واركن ابظلها

ما مثل هالرايه تجد رايه او فتى اليحملها مثل الحملها

والبالجلاله منفرد بالغانمه جملها او قدّس محلها

اوبالكونين خلاها ..

واسع مداها ..

ويه الأفلاك السبعه دارت الدين وشرعه

او نشرت نور هادينه ..

راية علينه ..

راية محمد ساميه او سالمت ساعد حيدر اوصرت مضنها

خاضت معارك دامية وانشد تبوك اوخيبر واختبر منها

ساعدها ذل چم طاغيه شوف اشقلع واشعبر واشكشف عنها

حدر الباب مد باعه ..

او شدة اذراعه ..

عبر اجيوش الهادي او روح الأمين اينادي

وابها لزود تكفينه ..

راية علينه ..

رايه او تساندها الهمم من اليحامي جاره او راعي القياده

ورفت على روس الأمم اوفيَّت على العمّاره ابجنح السعاده

واليركن ايفيها سلم من الدهر واخطاره ابسر اعتقاده

ابيوم البيه يتكاثر ..

مفزع الأكبر ..

راية علينه الجُنه مفتاح باب الجنه

او من الحوض تسجينه ..

راية علينه ..