بالدمعه والآهات لجلك انادي

وما ننسه ذكرك يوم يالنبي الهادي

يا أول العتره ياوالد الزهره

يالنبي الهادي

يمن مجدك فجر والدنيا تشهدلك

يا سر البقاء المنوجد مثلك

كرامه لشخصك وثبتها من اجلك

خلق ربك وجود الكون بس لهلك

علي الزهره الحسن وحسين فضلك

ذوله اهل الكساء الماعرف يهلك

وانته النبي المختار والباري يشهد

حجه اعله هذا الكون ثبت محمد

يالفضلك اشكبره ياوالد الزهره

يالنبي الهادي

اصطفاكم خالق الاكوان بس الكم

اهل بيت الكرامه وبالعدل خصكم

وعلى الكون بشرف وبعفه طهركم

وبالتطهير ابعد كل رجس عنكم

خمسه اهل الكساء الباري نزلكم

وجبريل بعظمته صار سادسكم

هاي الكرامه امنين الله اصطفاها

وشرفك عالاكوان ابشر يطاها

ولنصرك اينصره ياوالد الزهره

يالنبي الهادي

يمختار الزمن والدنيا والافلاك

يعزتنا ورضانه وكل عمر يفداك

يقاموس الوجود الباري من خلاك

وضع نوره الشريف ابنورك وعلاك

خصك وبخصوصه بكل شرف يرعاك

يدري بدينه مايثبت ابد لولاك

وانته بشرف اديت هاي الامانه

وحصلت وبكل زود ارفع مكانه

من باسط القدره ياوالد الزهره

يالنبي الهادي

عشت عمرك جرح يتخطه فوگ النار

وما مليت صابر يالنبي المختار

واعدائك نواصب والزمن دوار

ما رادوا وجود الدينك الاشرار

وانته بكل شرف وبكل عزم واصرار

ثابت ما ردت للدين ابد ينهار

واعله الصبر جازاك رب الهدايه

غايه وعلى الاكوان ثبتك غايه

وبغايته وتقره ياوالد الزهره

يالنبي الهادي

يظل حزنك جرحنا الما نمل منه

ولنبطل رجانه ونگطع الظنه

بمصابك سيدي من الگلب ونه

نون وبالدمع وادموم نتحنه

بعد فرگاك عجبه شلون نتهنه

نظل ننعه بحزن ياريحة الجنه

وانودعك هاليوم وبهل مسيه

ولجلك نصب ادموع يابو الزچيه

ولشخصك انخسره ياوالد الزهره

يالنبي الهادي