يمنعوها تنعه ابوها

ما رادوا بچاها هالأمه شجاها

بعد جرح الرسول وحزنه ومصابه

ونيران السرت بالروح لهابه

تنوح الزهره تبچي لفگده وغيابه

وتحس نار بگلبها جمرة اصوابه

بدمعه تجري

وكلها تدري

ماعنده سواها هالأمه شجاها

بعد فگد النبي كلها صفت ضدها

مارادوا الزهره تنعه والدها

رغم دمع الحزن ظل يحفر بخدها

عليها اتجاسروا من وصلوا الحدها

للزچيه

آل أميه

ماتدري شعماها هالأمه شجاها

تظل أم الرسول بلوعه وتنادي

يريت وياك ارحل يالنبي الهادي

بعد عينك يبويه انظر اشسادي

عليه الصار هذا شيجري لولادي

عذبوني

ومارعوني

يابويه يطاها هالأمه شجاها

تنوح بكل حزنها وتسچب الدمعه

وتحس بالروح جمره فاطمه البضعه

لاچن النواصب خالفوا شرعه

من منعوا الزهره تنحب وتنعه

وسفه داروا

ضدها صاروا

محد مارعاها هالأمه شجاها

على امصاب الرساله تنحب بهمها

وتذكر ياحضن ياجنه لتشمها

من چان الرسول المصطفى يمها

تحس الكون يمها بعطفه ويضمها

وهسه دمعه

بيها تنعه

ومحد ومانعاها هالأمه شجاها