صب دمعها ولضلعها

وتنادي يا كرار من هجموا أعله الدار

صب دمعها ولضلعها

هجموا عالزهره المظلومه ماراعوا حرمه لهل الدار

وأصدر أمره الطاغي ولازم هاي الدار أتشب بنار

ولاذت يم الباب الزهره عرفت نية هالاشرار

وأنعصرت مابين الحايط وما بين الباب وبسمار

ناري تسعر وينه حيدر

وأيشاهد الأشرار من هجموا أعله الدار

صب دمعها ولضلعها

ظلت محتاره وماتدري المن تتوجه وتروح

وسيوف الاحقاد أمشرعه وبوجه المظلومه أتلوح

مجروحه وتنزف ماتدري وشيسوي الطاح ومجروح

بس لوعه حسرات ودمعه عالصار بكل همها تنوح

محد ألها كل أملها

ضاع بلهيب النار من هجموا أعله الدار

صب دمعها ولضلعها

أم الأحزان أتشاهدهم وتعرف هالگوم أشيردون

بالگوه البيعه أيفرضوها هالبيعه وباطل يدرون

چان الهم الأكبر حيدر وأعليه هالبيعه أيفرضون

وأجتمعوا من أجل البيعه رادوا همه اليختارون

والسقيفه مو نظيفه

والشاهد اللي صار من هجموا أعله الدار

صب دمعها ولضلعها

ما بايع حيدر للظالم مادام الظلم وميدوم

والزهره أتحملت كل هذا من هجموا عالدار الگوم

والباب الشاهد عالمنظر والضلع الباقي ومهشوم

ينزف ليهسه وظل صرخه بوجوه الظلام أيحوم

ظل علامه للقيامه

ويناشد الجبار من هجموا أعله الدار

صب دمعها ولضلعها

هاي الزهره وهاي الحاله عاشت ماتت بالأحزان

والناس التسمع لا ذمه وتشاهد نار الطغيان

تركوا دين الهادي و راحوا تبعوا أحلام الشيطان

والزهره القرآن الناطق عافوها وعبدوا سلطان

أغضبوها وأعصروها

ما شافوا الأنوار من هجموا أعله الدار

صب دمعها ولضلعها