أنحب عالزهره المظلومه

أنحب عالصاحت ياحيدر من بالباب الضلع اتكسر

تلهب نار اتشب وتسعر وتنوح بعبره ومالومه

أنحب ودموعك بالعبره خل أتهل بلوعه وحسره

مأجور وتلطم عالزهره عالزهره الراحت مهضومه

أنحب عالصار ولوعتها أبسمار وطفوا شمعتها

ما راعوا حگها ودمعتها هالگوم التحقد مسمومه

هالگوم التحقد أذوها للزهره وتنحب خلوها

غصبوها بيا حگ غصبوها من حگها وصارت محرومه

من طوح بحزانه الحادي صاح بدمعه وگام ينادي

ظلموها البنتك يالهادي والزهره العدهم معلومه

معلومه الزهره وظلموها من بعدك لا ماراعوها

يالهادي ونفسك يدروها ومختومه بگلبك مختومه