ربك ألها خص فضلها

ولام البنين أختار وأنطاها للكرار

ربك ألها خص فضلها

تعرفها وتعرف قصتها متوسمه بأشرف عنوان

هاي الأدت كل الطاعه من قدمت أربع شبان

بس كون حسين أيرد سالم وبالطف متحيطه العدوان

وأتحملت كل هذا اليجره وبلوعه أتقاسي الأحزان

وبصبرها أختبرها

وربك جعلها أسرار وأنطاها للكرار

ربك ألها خص فضلها

أنطاها الباري وكرمها وشرفها بحب ماينقاس

وعلاها وخلاها بهيبه لمن تمشي أگبال الناس

مجد الدنيا أتوسم بيها وحملت بس غيره ونوماس

وشرفها الكرار بأسمه ومن صلبه أنطاها العباس

والهدايه أسمى غايه

الها ونطه الأقمار وأنطاها للكرار

ربك ألها خص فضلها

أربع أقمار أتقدمهم وتوصيهم يالطيبين

لتقصرون الگطع المنحر لو شاهدتو أسيوف البين

ها يولادي وأمكم ترجه بالطف أتسرون العين

لو ضحيتوا بدمكم أفرح بس أيرد سالم لحسين

وبدعاها ظل رجاها

يم ربك الجبار وأنطاها للكرار

ربك ألها خص فضلها

هاي القصه العاشت بيها المن تتوجه وتروح

مارد ألها حسين وعرفت برض الطف ظل ومذبوح

دامي المنحر وسط الحومه عالغبره الوحده ومطروح

وأتمنت من ربها ورادت كون أيبدل روح بروح

ظل رجاها وبوفاها

ظل العقل محتار وأنطاها للكرار

ربك ألها خص فضلها

ظلت تنحب مو عالراحوا تبچي وتنحب عالمظلوم

لمن سمعت گطعوا راسه والصدر أنرض ومهشوم

وعرفت راح حسين وظامي ما شارب ماي ومحروم

صاحت راح الغالي وظلت من بعده أتصب فيض أدموم

يبني صاحت لجله ناحت

والباري راد الصار وأنطاها للكرار

ربك ألها خص فضلها