أشهد للباري يحبني يا شيعه اليجبي إعله إبني

هاي الدمعه السجابه تضمن له إبيوم إحسابه

ياخذ بيمينه إكتابه و اليسمعني إيجاوبني

آنه إلكم باجر أشفع و خل إيجاوبني اليسمع

و بصوت العين التدمع يا زهراء ايناديني

يا شيعه اليعرف وضعي و يتألم قلبه ابضلعي

خل دمعه إيهل وي دمعي فقد حسين الصوبني

آنه الأم المفجوعه بإبني المهشومه اضلوعه

و هاي أصعب و أعظم لوعه يوم حسين الشيبني

قلبي إنجان إتسرونه الماي ابحين اتشربونه

جبد حسين اتذكرونه محروم إمن الماي إبني

شيعه و نقسم بالزهره كل ساعه حسين انذكره

و الكل اينادي ابعبره إبسجل الخدام إكتبني