ياشيعه بحزن عالراح ونوا بكل وكت ونه

سادس نور بالاكوان هاليله رحل عنه

ونوا بكل وكت ونوا وهلوا من الگلب دمعه

وخلوا العالم بكبره ياخذ منكم وينعه

الصادق بالسمه عنوان وثابت بالعرش فرعه

بمصاب الصادق المسموم

صبوا الدمع لجله ادموم

بهل ليله حزن وهموم

اليواسي بمصابه اليوم يواسي ويظمن الجنه

بدمعات الحزن عالراح واجب وبلهيب النار

بمصاب الصادق أتواسون طه المصطفى المختار

واتواسون ابو العتره حيدرنه علي الكرار

بجعفر سادس العتره

واسوا وبعظم صبره

كل العالم بأسره

امن الصادق علم ياخذ ياخذ كل وكت منه

ياشيعه بدموع العين غرگوا العالم بأسره

ودگوا اعله الصدور اليوم او واسوا فاطمه الزهره

مسموم ورحل هاليوم عنكم سادس العتره

الصادق صادق الأحكام

منهج شرع للإسلام

خل يسمع الخاص وعام

واجب من دمه اعله الراح الچف اليوم يتحنه

على أمصابه بگلب مجروح خل تنزف دماها العين

الصادق مثله ماموجود ولاجابت الدنيا اثنين

يكفي لو عليه گالوا هذا أبن الشهيد حسين

حسين المنذبح عطشان

وحده بحومة الميدان

بالك ياخذك نسيان

وتنسه امصيبة المذبوح منها وتگطع الضنه

لتقصرون للصادق ونوا بلوعة أحزانه

لأن الزهره بالمجلس الليله حاضره ويانه

عزوها بأبنها الشال نهج الدين وأركانه

عزوا الزهره عزوها

وعنكم ترضه خلوها

برضاها الجنه ظمنوها

والترضه عليه حتماً الزهره بعمره يتهنه