جينه نواسي الكاظم جينه بمصاب الصادق والينه

جعفر غمض عينه الليله وعيون الكاظم تهميله

ينعاه ومتهدم حيله والعالم يسمع تأبينه

يا نكبة دين الله بفكده والقران اتيتم بعده

جينه انواسي الزهره وجده ونعزي الكاظم ونعينه

سادس معصوم من العتره مهجة طه وروح الزهره

وكل العالم يعرف قدره من نسل الخاتم هادينه

يا شيعه اليوم بتوديعه حزنانه الكعبه ومفجوعه

والايمان يهل ادموعه عالصادق حجة بارينه

طود الحق نبراس الرحمه وراث علم الهادي وحكمه

اغتاله الظالم ويلي وسمه ويتم شرع الله ودينه

جعفر عله ابزوده الرايه والعزه بأسمه امسمايه

طلاب العالم عنايه تكصد تنهل من معينه

شبل الهادي ووارث حيدر ناموس التوحيد الاكبر

جعفر جعفر آيا جعفر هالوادم باسمه اتسمينه

يا جعفر شيعتكم احنه والوادم باسمك تعرفنه

حتى بكبرك وانته بمحنه عدوانك وسفه مهدمينه

يارب العن اول ظالم اسس هذا النهج الغاشم

باجر شبله المهدي يحاكم كل ظالم وبجرمه ايدينه

يالكاظم جينه انعزيكم بدموع العين انواسيكم

مولاي وبالدم نفديكم بالحاضر نبقى وماضينه