ياأول سؤال ايردده المظلوم وبعين الامل يالمهدي يتعناك

ودموع المعاتب ماتمل الشوك تهوه اتريد تحظن جدمك ابممشاك

يامنقذ عقيدة منهج الاحرار ابيع العمر كلا بلحضه لو الكاك

ياضلع البتول وهامة الكرار ياجبد الحسن وبجمرته ينعاك

يانهظة حسين المايلمهه الكون ياضعن الرساله المحتزم بحماك

دخلت كربله احفاد ابو الزهراء افرشت الهه السمه سكنت بعز اسماك

وطرزت الخيام من الثريه بنور اواسيت الكلوب التنتخي وترجاك

ياصرخة انصار العشك والايثار ضحت قدمت صاحت فده العيناك

انته الماي وانته المشرعه والجود الك تنتظر زينب جانت وتنخاك

ماطاح العلم والعلم لابد يوم بيدك يرتفع يتنومس بيمناك

يابسمة طفل راسمها سهم البين وسط لوحات ثارك سكنت ابمعناك

من جدك صرخ يانصرة المعصوم انته التستمع ماراد من اعداك

لان صوت ابضميره من السماء يكول قدس كربله يحسين من ادماك

فده نحر العداله حسين ابو السجاد وللباري هتف من كلبه عد عيناك

يعني انته محمد وانته من حسين وابن الطاهره وحيدر علي الرباك

مته تظهر يراعي الثار حان الثار كوم وخل تشوف الدنيه رف الواك

يوميه يجونه ابمهدي متقصدين وافكار أل اميه بجهل تتحداك

مايدرون عايش بالكلب بالروح وبعين البصيره الشيعه تحجي وياك

يبو صالح وحكك ضاكت الوسعه مل حته الطفل من دنيته ابلياك

كوم وخلي علمك سيف عالطغيان درس وامتحن وانتخب من يهواك