يا الرضه نلهج بيك يبن الأطياب يصعب علينه يوم شخصك من غاب

بديار غربه ابسم دليلك ينصاب و امن المصايب و المحن قلبك ذاب

من والاك من والاك ينحب لجلك من والاك

ظليت متحير ابدار الغربه و اعليك مو هينه المصايب صعبه

قالوا أبو محمد انصاب ابقلبه ابها الحاله بين اعداه قضه نحبه

هاي اعداك هاي اعداك صابت جبدك هاي اعداك

و ما ندري ليش أهل الغدر من غدروك و انته شبل موسه بن جعفر عرفوك

و ابلا ذنب يبن الزجيه سموك لجل المطامع و المنافع جتلوك

ظل ينعاك ظل ينعاك صوت المحب ظل ينعاك

ويه الرضه بدموع الحزن نتكلم محنتك باري الكون بيها يعلم

غدروك و اتصوب دليلك بالسم و جرح الفراق ابشيعتك ما يلتم

هيه اوياك الشيعه اوياك ابهاي المحنه الشيعه اوياك

انصبنه إلك مأتم ابنوح و أحزان و امصيبتك بالقلب تلهب نيران

و مظلمه طوس أصبحت يا عالي الشان العدوان ما رحمتك هاي العدوان

من اعداك من اعداك شفنه المحن من اعداك

انقدم تعازي الأختك المعصومه و هيه الذي بمصيبتك مهضومه

و من شوفتك يبن النبي محرومه وصلت القم و حست و مالومه

الله اوياك الله اوياك صاحت اختك الله اوياك