اشلون يوم اعله النبوه و آلها من طحت يحسين فوق ارمالها

اشلون يوم اعله النبوه اشلون يوم بيه جسمك عالثره اتغسله الدموم

ابمصرعك روح القدس محزن يحوم ينعه روحك و أوحه ما أوحى الها

اشلون يوم و بيه جدك ينظرك دمك ابترب الطفوف ايعفرك

ابعينه جنه ايشوف حزة منحرك و جثتك شمر الخنه ثناها

اشلون يوم الما جره يبن الرسول و أخرس إلسان الدهر عنه اشيقول

و صار صدر احسين ميدان الخيول و جالت و محد العنك حالها

اشلون يوم امصاب و أفجع كل مصاب و اللي صابك بالقلب والدك ذاب

و أشد من يوم الذي ابهامته انصاب و مثل دمع امك دمع سلهالها

اشلون يوم و شبلك السجاد تم و بين شدة حالته و حال الحرم

اعليه و اعله العايله العسكر هجم اشلون جوله و بالمخيم جالها

اشلون يوم اشلون حالت فاطمه بالمصيبه اعله اليتامه امخيمه

راسها من نحرك اتخضبه ابدمه و عقبك الزينب تشارك حالها

اشلون يوم الزينب اتشوفك ذبيح قوم و ادرك حالي يبن أمي تصيح

و طلعت اتظنك يبو اليمه جريح و اعله صوت النخوه تتعنى الها