اشهلعجايب *** و إنت غايب

يالمهدي شفنه اغيوم *** تمطر دمع و اهموم

اشهعجايب *** و إنت غايب

يبن الصرعوه ابمحرابه دمه اتفايض بالمحراب

يبن الما راعوا حرمتها طيحوا محسن خلف الباب

حانت يالغايب ساعتها الأمه انگلبت عالأعقاب

يا من تزرع موت ابسيفك قوم إحصد يالمهدي ارگاب

هذا ثارك *** بإنتظارك

و عين السماء اليوم *** تمطر دمع و اهموم

لا ماضي ايشرف لا حاضر أمة اتعيش اعله الأوهام

مرت ألف و أربعمية عام ايمر أتعس من عام

نصحه اعله الدمعه المسفوحه و نغفه اعله افراش الآلآم

لا رأفه ابعاجز ننظرها و لا رحمه اتنول الأيتام

بس نفاخر *** بالمظاهر

و غيمة سمانه اتحوم*** تمطر دمع و اهموم

لا رحمه و لا إنسانية ما ندري اشصار ابها الناس

جن أنظر أشباح و تمشي لا تفكير و لا إحساس

لو جدك يحضر يالمهدي إتغير اعليه نفس الأجناس

جان إنعادت لوعات الطف و هم فصلوا عن جسمه الراس

هذا واضح *** لا تسامح

و دنيانه عالمظلوم *** تمطر دمع و اهموم

يالغايب من عندك ننشد من تظهر تطلب يا ثار

تطلب ثار الدم اليجري من صابوا راس الكرار

لو تطلب كسرة ضلع أمك من عصروها ابباب الدار

لو ثار اللي وذروا جسمه و رفعوا راسه اعله الخطار

قلبي دامي *** يا إمامي

خلت سمانه القوم *** تمطر دمع و اهموم

ثار الماضي و ثار الحاضر تتواصل نفس الأحزان

ما رحمه انوجدت بالوادم المدمع فجر بركان

قوم اللي ذبحوا عبدالله و اتصوب بالطف عطشان

اتجدد ماضيهم يالمهدي و ذبحوا من عدنه الرضعان

اتظل سمانه *** من دمانه

تنزف لهيب و لوم *** تمطر دمع و اهموم

يالمهدي امصايب ما تنعد حصلت ببلاد النهرين

هاي الأرض الضمت حيدر و أرض الحضنت جسم الحسين

وسفه اتعيش ابهاي الحاله و تترقب يومك كل عين

و شعب اعراگ ايصيح و يهتف يالغايب ميعادك وين

ابلوعه صرنه *** و إنتظرنه

شايف بدر و إنجوم *** تمطر دمع و اهموم