زادَ هيامي...فخُذ سلامي ...يا مولاي

السلامُ على المُعذّب في مطاميرِ السجونِ

امن البعد أبعث سلامي ابكل صباح و كل مسيه

بالحنين اتفيض روحي من تحن للكاظميه

افراقك الصوب دليلي و الهجر يصعب عليه

و سيدي جنت بجوارك و هسه تدري ابيا ثنيه

أشكوا عذابي...طالَ اغترابي...يا مولاي

جمرة الفرقه ابدليلي ما تطفيها دمعتي

و لوعة امصابك مسعره اموجره ابموقد غربتي

و الصبر ركنه تهدم و نار ملتهبه ابمهجتي

ايصير أموت و لا أزورك لو أظل أحمل محنتي

طالَ فراقي...زادَ اشتياقي ...يا مولاي

عمره ابغربه قضيته و بالمطامير المظلمه

و جسمك اتقيده السلاسل و العده ما عدها رحمه

و ساقك المرضوض أويلي يجري يا مولاي دمه

و هاك اخذ مني سلامي بالدمع مصحوب أقدمه

هذا فؤادي...دوماً يُنادي ...يا مولاي

محد المثلك تعذّب و صبرك الما كو مثيله

و بالسهر ليلك تخلصه و ما نشف دمعك مسيله

يالمناجاتك كثيره و صاحب السجدة الطويله

امغيب ابقيد المنيه و ما كو أبداً كل وسيله

الدمعُ جاري...كالمدرارِ ...يا مولاي

ما ثنت عزمك مصيبه و لا سجن غيّر قرارك

صامد ابوجه الأعادي و الرفض أصبح شعارك

منهل الأحرار انت و كعبة الثورة مزارك

يمته يا باب الحوائج أرجع و أهنه بجوارك

فبالولاءِ ...يعلوا ندائي...يا مولاي