شيعه و نحبك...نبقه اعله دربك

مثل آية موده انرتل احروفك

جذب من قال يا بن جعفر انعوفك

حمام أرواحنه و بأشواقها اتطوفك

كريم و بالعطايه تغمر اضيوفك

لا ما نجربك...نبقه اعله دربك

يباب الله العظيم و آيته الكبره

نحبك من محبة علي و الزهره

عله امصابك ننوح و نلطم و نقره

و علينه اهواي منك لو إجت نظره

آيه و نكتبك...نبقه اعله دربك

نجيك و من نجيك أرواحنه اتبايع

علي جدك الأول قلنه مو رابع

عقيدتنه و نظل يالكاظم اندافع

و انت من نعدك بالفضل سابع

نصعد بركبك...نبقه اعله دربك