يا هله بزواري ...يا هله بزواري

و كلمن قصدني بحاجته... يا هله بزواري

يا هله بكلمن يجيني و يعتني لي ابداري

لا يسولف ليَّ همه آنا بالهم داري

و الله من أنظر دمعكم بيَّ تبرد ناري

تنقضي الحاجه ابحضرتي و الله يا زواري

قبل لا ينخاني... قبل لا ينخاني

يلقاها تخلص حاجته... قبل لا ينخاني

من قبل لا يعتني لي و حاجته يحجيها

خل يأمن هذا عهدي حاجته أقضيها

دمعته تصعب عليَّ يمي من يبجيها

الخاطر الدمعة الحزينه هالهموم أنهيها

لو لزم شباجي لو لزم شباجي

ما يبقه هم و لا دمع... لو لزم شباجي

الغريب التربه عينه منتظر أحبابه

يفرح من ايشوف أهله اتجمعت يم بابه

و آنا عيني اعله اليجيني و أدري قلبه الجابه

الحبيب ايمر حبيبه و ينعذر بأسبابه

من تجيني أحبابي ...من تجيني أحبابي

بجفوفي أحييهم هله ...من تجيني أحبابي

من أشوف دمعه تجري تنزل و تنخاني

ينكسر قلبي اعله زاير قال لا تنساني

ضامن الكل من يجيني و الكرم عنواني

من أشوفن يمي زاير ما تظل أحزاني

أمسح ابدمعاته... أمسح ابدمعاته

بجفوفي من يبجي ابحزن... أمسح ابدمعاته

من النجف لو كربلاء اليعتني اتلقيته

يا هله بريحة أحبابي و مرحبا ناديته

من علي و من الحسين اشبيه عطر شميته

حمّلت قلبي سلامي و للأهل وديته

من ترد لحبابي... من ترد لحبابي

قلهم سلام امن الرضه ...من ترد لحبابي