هله بكلمن قصدنه و جاي فرحان أنا ابنبض القلب للضيف هليت

الحسينية إذا متكفي للجاي بوسط إعيونه نبني إلكم بيت

أدور عن حبيبي ببين الوجوه و أقله يا حبيبي اشبيج ما جيت

هدني إعيونكم شوق و مواعيد عليهن ألف بوسه الليله طشيت

ألم نجمات بيدي بغفوة الليل و أنثرهن بواهس مال جكليت

ربيع أيامي انت الما ذبل يوم غصن و ضحكه و غزل بضلوعي طقيت

تعال إشتم اجروحي تنزف اعطور تشوف اجنون بيها اشما تدنيت

أوصي بذكرياتي ما تمر يوم كل غالي و عزيز اعليها مشيت

تعال الليله فرحه و بيها مولود صينية شمع بضلوعي سويت

بمولود الرضه صلت سماوات و آنا بأعله صوتي اعليه صليت