الرأس المقطوع يا حيدر يا حيدر يا حيدر**في رمحٍ مرفوع يا حيدر يا حيدر يا حيدر

بلا ذنبِ قضى نحبي**الرأس المقطوع يا حيدر يا حيدر يا حيدر

يا أبو الحملة هاليلة من جوف النحر أروي لك أخبار

جِنِت يمي ريتك يا بوية بكربلاء و تعاين اشصار

إلك أبدي و أشرح مصاب اللي سِدَر يا حامي الجار

صرت وحدي و انتهت بالطف يا علي أهلي و الأنصار

جيشٌ كالأشباح يا حيدر يا حيدر يا حيدر**جاءوا بالأرماح يا حيدر يا حيدر يا حيدر

لدى الحربِ قضى نحبي**الرأس المقطوع يا حيدر يا حيدر يا حيدر

بأشد حالة بالخيمة ودَّعت الحَرَم من بعد الأطفال

رحت آييس أسعى لثاري بهمي و مصابي و قسوة الحال

شفت عسكر داروا عَلَي من كل كِتِر أشباه الرجال

بجمع حاشد متشرعة ارماح الحَتِف و سيوف الآجال

جاءت مثل السيل يا حيدر يا حيدر يا حيدر**أمواجٌ من خيل يا حيدر يا حيدر يا حيدر

و بالضربِ قضى نحبي**الرأس المقطوع يا حيدر يا حيدر يا حيدر

الحرب دارت و استوحدوني من بعد أهلي يا ضرغام

انفُلَغ راسي بذاك الحجر يا أبو الحسن و اتصوب الهام

نزف دمي و على الجسم مثل المطر تتهدف سهام

و المثلث قطَّع دليلي و كابدت بالرمية آلام

ذا سهمُ الأوثان يا حيدر يا حيدر يا حيدر**في قلبِ القرآن يا حيدر يا حيدر يا حيدر

رمى قلبي قضى نحبي**الرأس المقطوع يا حيدر يا حيدر يا حيدر

وقع جسمي بالمصرع و من عالبُعُد تترقب الناس

قرب موتي و آنة أعالج عالأرض و بآخر أنفاس

الشمر جاني ثنّى على صدري بركبته و على الصدر داس

لِزَم شيبي و ابتدى يحِز النحر و فُصَل عن جثتي الراس

رأسي في العسّال يا حيدر يا حيدر يا حيدر**جسمي فوق رمال يا حيدر يا حيدر يا حيدر

على التربِ قضى نحبي**الرأس المقطوع يا حيدر يا حيدر يا حيدر

انقطع نحري راسي انحِمَل فوق الرمح و يقطِّر دموم

و عقب قتلي ظل جسمي مرمي فوق الترب و تحاوطه القوم

بحوافرها داست عَلَي خيل العِدى لَن صدري مهشوم

و على المذبح مو دمي نزف من رقبتي تتنازف دموم

ملقاً قي البيداء يا حيدر يا حيدر يا حيدر**ظامٍ جنب الماء يا حيدر يا حيدر يا حيدر

و بالخطبِ قضى نحبي**الرأس المقطوع يا حيدر يا حيدر يا حيدر