يمن قاصد تريد إتزوره للمسموم إخذ وياك روحي إعله الضريح إتحوم

يمن قاصد تريد تزور أبو محمد دليلك شابح أنظاره لعد مشهد

إخذ روحي من المسموم تتزود و خل دمعاتي وي دمعك تسيل إدموم

خل عيني تهل دمعتها نثاره تصد للوالي و إتعانقها لنواره

و خلها إتساعد إعله النوح زواره بيابيها تجف من كل دمع مسجوم

إخذ وياك قلبي الدايم إبحسره بلجه إجروحه عند قبر الولي تبره

بلجه إيزول همه و ينجلي عسره و لا يبقه على طول الدهر مالوم

يزاير هاك إخذها إوصيتي مني عند قبر الرضه يا زاير إذكرني

و إلثم للضريح و قبله عني و بصوت النوايب صيح يا مهضوم