يالبطول الدهر تنعه...يناعي ما بقت دمعه
من فقد النبي لليوم ...بمصابه الزمان إيحوم
يناعي ما بقت دمعه
جم قلب صوتك يناعي هيج الليله ونينه
و الرزيه إبهالمسيه عمت إبيوت المدينه
و ذكرتنه إبكل مصيبه إبغيبة الهادي نبينه
و بالفتن و الحيره طحنه وشجره إبفقدك علينه
عله إفراش الأجل بعده...و طاحت أمته إبشده
السّمك للنفاق إغيوم ...بمصابه الزمان إيحوم
يناعي ما بقت دمعه
قالوا إبحيره تركنه إبلا وصي سيد البريه
و إحنه للشوره إلتجأنه من أجل حسم القضيه
شافوا الهادي المؤيد من رفع يمنت وصيه
و قلهم الوالي عليكم حيدره حامي الحميه
الجليل إختاره و إختصه...و يشهد عن علي نصه
الغدير و موقفه المعلوم ...بمصابه الزمان إيحوم
يناعي ما بقت دمعه
و فاطمه البضعه الشريفه الوصف الهادي طبعها
وشكثر وصه عليها و هالوصيه الكل سمعها
و لنها مهضومه الوديعه و عالوجن يجري دمعها
إبيا ذنب سطروا وجهها إبيا ذنب كسروا ضلعها
الهضمها و شدة العصره...تنخت فاطمه الزهره
إدركني يحيدر قوم ...بمصابه الزمان إيحوم
يناعي ما بقت دمعه
الأسلمت غصبن عليها إبلا يقين و لا عقيده
من أجل غايه إبنفسها و تاخذ الشي التريده
جم جرح من عدها شفنه و لا دوه اليحصل يفيده
و الأشد و أكثر نزيفه بالقلب جرح الصميده
علي إبفقده تيتمنه...إنظلمنه و إنسفك دمنه
بين الذبح و المسموم ...بمصابه الزمان إيحوم
يناعي ما بقت دمعه
و الحسن من بعده لمه بالطشت يقذف جبدته
و لنه يطلب من عضيده لا تعاين جبده إخته
إشقالت إبيوم الإخوها إبكربله حزوا رقبته
و داست الخيل إعله صدره إمسلبه و متوذره جثته
عليها جبدك إتضمه ...و شافت جبد أبو اليمه
بصواب السهم مجسوم ...بمصابه الزمان إيحوم
يناعي ما بقت دمعه
و الرضه اليحمل صفاته و كل سجايه الهادي جده
بعّدوه عن المدينه و قضه عمره إبغربه وحده
و اللي يزعم بالقرابه للنبي شن حربه ضده
و دس له سم حقده و تصوب يا وسافه الليله جبده
غريب و ليه قصد إبنه ...الجواد الوالده إيدفنه
و يهل دمعه عله المظلوم ...بمصابه الزمان إيحوم
يناعي ما بقت دمعهيالبطول الدهر تنعه يناعي ما بقت دمعه
ديوان السادة
45
سطرًا