أجاوب موسى بن جعفر ...إمامي

هو السابع...هو التاسع.....للحق تابع...ساجد راكع

نذير القدره من يعلن وفاتي...يسد ابوجهي بوابة حياتي

العشيره تحمل إجنازة مماتي...يودعوني هلي و يبجن خواتي

ينزلوني ابحفيرة نايباتي...وحيد و أنسه اولادي و بناتي

إبقبر و هناك ما ينفع... مقامي

العمل هو الذي يرفع ...مقامي

ابظلمة لحدي...و محد عندي.....أصرخ وحدي...و محد سامع

اشكثر وحشه القبر الله أكبر...يسألني نكير و يمه منكر

أجاوب و اللفظ من قلبي يظهر...أقولن ربي الله و هو أقدر

نبيي المصطفى الطهر المطهر...إمامي المرتضى الكرار حيدر

نكير و منكر استمعوا ...كلامي

على إكتاب العمل طبعوا... كلامي

آنه المسلم...بالله أقسم.....قبري المظلم...يصبح ساطع

بعد للبرزخ إيصير إنتقالي...و أعد للمحشر أيام و ليالي

نداء اينادي من أوج المعالي...بده المحشر و إجت ساعة سؤالي

أقدم صفحت اعمالي و فعالي...و أسجل مسلم و شيعي و موالي

أقدم لايحه الربي ...أسامي

أيمه و إلهم ابقلبي... أسامي

أبدي ابحيدر...هو المصدر.....هو اليحضر...هو الشافع

علي أول علي و أصبح أميري...الحسن بعده رسم نهجي و مسيري

الإمام الثالث حسين و مجيري...تثبت زين العباد ابضميري

الإمام الباقر ايقرر مصيري...لقيت ابجعفر الصادق ظهيري

همت و بسابع اليمه ...هيامي

و يقدر تاسع العصمه...هيامي

ابموسى الكاظم...آنه الهايم.....من هالوادم...منهو إيمانع

الحشر هذا الحشر هاي القيامه ...و دليلي ابكاظم الغيظ إعتصامه

الإمام السابع بأصل الإمامه...يشكل تاسع العصمه نظامه

إلهي ابجاه قدسيته و مقامه ...أريدك تحسن العبدك ختامه

إلهي و سيدي بيدك... زمامي

دخيل الكاظم و عندك... زمامي

اجهنم تلهب...قلبي اتريب.....إرحم يا رب...قلبي الخاشع

عشت عمري صبور و جنت أعاهد...ابطريق المهدي أمشي و ما أحايد

أوالي العتره يا رب و إنت شاهد...رغم اهل الغدر و أهل المكايد

نواصب فجروا حتى المساجد...ابزعمهم نترك انعوف العقايد

أبد و الذي قرر ...ختامي

أوالي العتره و الكوثر ...ختامي

و اليناهم...ما عفناهم