يا مسموم يا مهموم ...... دمك للمحب عبره

***

عدوان الرضه المظلوم غدروه بأرض غربه

نندب يا غريب اليوم دم المدمع انصبه

و احنه بالغرب ننعاك و الحاله اشكثر صعبه

***

يا العندك هدف ترجاه لا تغفل أبد لحظه

لا تترجه من اعداك عن فكرك أبد ترضه

و لا تقبل أبد بالذل جفنك بالك اتغمضه

***

حق تطلب و عندك صار تصعب منك الكعده

حط روحك على جفك لمن حقك اترده

و بالغربه تظل لي وين صبرك جاوز الحده

***

لا تهجع أبد لا تنام لمن تاخذ بثارك

و متغرب تطل مهموم لا ترجع لعد دارك

لو ما تعتلي الكلفات ما تطفه أبد نارك

***

و من حسين اخذ عبره من حسين اخذ أفكار

بالقله نهض للحق عالظالم وحيد و ثار

اصبح للبشر منهاج للثوره يطل تذكار

***

اخلط دمك بدمه و اصرخ سيدي حنيت

حنت روحي للملقه يحسين بشغف رديت

يا شمعه بليالي الضيم بسمك عاشق و ناديت

***

اقصد للطفوف بشوق لا تهتم أبد بالموت

و اعبر عالمنايه بزود هالفرصه حسافه اتفوت

جاوب صرخته من صاح هل من ناصر الها الصوت

****