آخر الأخبار

ديوان السادة

يالرضا بهاي المصيبه

53 سطرًا

يالرضه بهاي المصيبه ..... جم كلب يسعر لهيبه

صوبونه ..... لوعونه

لوعونه ..... و عذبونه

****

نبتدي بأمر الخيانه و البدايه من السقيفه

و بكسر ضلع الزجيه فاطمه بمر الخليفه

و بغدر سيف الخوارج يطبر الهامه الشريفه

و الحسن بالسم تلوت جبدته شبل العفيفه

نشرح الهاي الروايه ..... نستمر حد النهايه

يمنعونه ..... و حاربونه

حاربونه ..... و عذبونه

****

و فاجعة سبط الرساله راسه من راح اليزيد

و اللي معروف بسجوده و باقر العلم المجيد

جعفر الصادق ولينه راح بالحقد الشديد

و الذي خلصت حياته صابر بسجن الرشيد

كثره شيعدها المصايب ..... و الجبد من عدها ذايب

جرحونه ..... مرمرونه

***

و استمرت هالمكايد عالرضه المرضي الكريم

الطوس من أرض المدينه بالمكر جابه اللئيم

يعرض اعليه الخلافه غادر بمظهر حميم

نصبه والي اعله عهده مظهر الحكمه الذميم

و الرضه بحكمه و سياسه ..... وضح المعنى الرياسه

يقيدونه ..... يطايقونه

يطايقونه ..... و عذبونه

***

و ابتدت كل الخلايق تنجذب لبن الرساله

عرفت بشخصه الهدايه حست بقسمه العداله

و أدرك الطاغي المخاطر حركه طبع الطلاله

حاول بمكره يمنعه حاول و شاف استحاله

و ابتده ايخطط مكيده ..... علحقد روحه شديده

يغدرونه ..... يفجعونه

***

دسوا السم بغدرهم للرضه بكاس العصير

و الطغاة بلا مشاعر لا عواطف لا ضمير

و الرضه بغربه ويسمه غدر مأمون الحقير

فجعوا بسمه الموالي و الجرح ينزف جبير

جرح أبو محمد فجعنه و بحزن سايل دمعنه

سممونه ..... و ضيعونه

ضيعونه ..... و عذبونه

****

يالرضه بهاي الفجيعه تندب الشيعه و حزينه

و تسجب ادموع بحراره بلوعه مفجوعه و حنينه

تصرخ بحسرة مصابك بالقلب جمرة ولينه

سيدي من بعد فقدك دارت الأيام بينه

بالبعد عشنه الليالي ..... و الدمع عالخد يلالي

بعدونه ..... غربونه

****

انعزي بمصابك ولينه سيدي الهادي الرسول

و أمك الزهره الزجيه فاطمه الطهر البتول

نشكي للكرار همنه حيدره فحل الفحول

نشهق بلوعت ألمنه شهقه بحشانه تجول

شارك هذا المحتوى
3٬564مشاهدة