دعبل الشاعر رسم هالحاله ... و بالمصيبه للرضه اتعنا له

****

وكف وكفة فاجعه اكبال الرضه .... و بدليله تستعر نار الغضه

صاح أسمعك شعر يبن المرتضه .... يفجع الكون و يهز اجباله

**

سيدي لو أمك الزهره تشوف .... آل أميه اشعملت بوادي الطفوف

اتعنت اعله حسين جدك بالسيوف .... و بيه تحيط الخيل و الخياله

**

عكب ما ذبحوا أنصاره و البنين .... و كل اخوته اعله الرمال امصرعين

وحده ظل لا من نصير و لا معين .... بس عليل و نسوته و أطفاله

**

يالرضه و ياريت أمك فاطمه .... تشوف ابنها من دخل لمخيمه

ودع أهله و بالكَلب نار الضمه .... تنطفي و تسعر وسط دلاله

**

اشلون لو أمك الزهره بهالوضع .... اتشوف ابنها احسين دامي و منصرع

جان لا شك تنسه آلام الضلع .... و تنسه محسنها و هضم ما ناله

**

طاح ابنها احسين بحجور الممات .... دامي و بكتره يصب نهر الفرات

انذبح عطشان برهيف النايبات .... و الفرات انحرم من سلساله

**

يالرضه و علزهره أصعب كل ألم .... حين جيش ازياد عالعيله هجم

حرك صيوان النبوه اعله الحرم .... و جدك اتسلبت كل اعياله

**

مثلما تتقطع اركاب الضحي .... اتذبحت بالطف أهل بيت الوحي

جرح وقعت كربله ما ينمحي .... و دمه ياخذ بالمصب منواله

**

سيدي و بينت هالحال الفظيع .... و آنه دعبل خادمك و انته الشفيع

اعليك أقسم سيدي بدم الرضيع .... ادركني من يوم الحشر و أهواله

**