يا قاضي الحوائج لليسائلها عليك أعرض مسائل و أنتظر حلها

يا كاظم الغيظ و يا حليف الجود و يا آية الباري و حجة المعبود

غيرك بالشدايد مالنه مقصود و روحي ابجود و لطفك مأملها

روحي مأملها و تتنه الفيض يالحبك ألذ امن العذب بالقيض

يا من عل اليعادونك كظمت الغيض و ما زلزلت صبرك كل زلازلها

يا الما زلزلت صبرك ليالي الجور و خليت اليعاديك ابقلب مجمور

و الحاول يقهرك أصبح المقهور و يوم الطوقتها ابسلسلة ذلها

يالطوقت جيد إعداك بالذله و إبدمك حفظت الشرع و المله

و سجنك بالضماير جم جرح خله و قيدك شيعتك بالهضم قبّلها

يا عود الرضه سجنك علينه اسجون و امصابك فجعنه و زلزل المسكون

و أمكك السمه لمصابك ينوحون و ادموع الحزن دم لجلك اتهلها

حق نجري المدامع من نجيع الدم لجلك و العمر نقضيه ابهم و غم

يالقطعوا جبدك بالسجن و السم قليله الروح دونك لون نبذلها

شنهي أرواحنه من تفتدي الروحك و شنهي اجروحنه من نذكراجروحك

لجن من نذكر امصيبتك و انوحك مناحتنه إلك يا هو اليوصلها

شيوصلها المناحتنه الأراضيكم و احنه الزمن ذبنه ابغير واديكم

صار اسنين يالكاظم نناديكم و صرخات العتب عدكم نسجلها

نسجل عتب عدكم صار النه اسنين و بإسمك ننتخي و نهمل دموع العين

و ليمته نظل عن قبرك ابعيدين و شكاوينه اشوكت يا نفل تقبلها

اشوكت تقبل يبو طلبه شكاوينه و ابنظرت عطف عينك تصد لينه

يبو إبراهيم من الغرب ملينه و انته التعرف الغربه و مشاكلها

غريب و تعرف اليتغرب امن الدار دولاب الفلك وياه عكس يندار

تودي له الوطن و ترجعه الأفكار و ليالي الفرقه يا هو اللي تحملها

يا هو اللي تحمل جمرة الفرقه و يا هو الغربه عن الوطن متحرقه

البعد عن مرقدك حرقه بألف حرقه و يا باب الحوائج و إنته مشعلها

افراقك مشعل النار التشب بحشاي و محد غيرك اللي يعرف ابلواي

بُعدك داي و إنته إدواي يا رجواي