فارق الدنيه مظلوم .... باب الحوايج مسموم

خلص عمره .... ابسجن صبره

باب الحوايج مسموم

موسه بن جعفر إيمانه .... يكشف لك واقع عنوانه

كاظم الغيظ و براهنه .... يترحم حته بسجانه

معلوم الكاظم معلوم .... و الحق ابوجهه مرسوم

ألف وسفه .... البدر يطفه

باب الحوايج مسموم

تعجز عن وصفه الأقلام .... رغم المحنه و الآلام

ما صافح جف الظلام .... كل همنه ابدين الإسلام

الها اليوم أفكاره الها اليوم .... تدرس منها الناس اعلوم

بحر علمه .... و شرف إسمه

باب الحوايج مسموم

من بهجة جده المختار .... و اتشع ابوجهه الأنوار

ما همه اسلوب الأشرار .... مسجون و يحمل أفكار

من سجنه و صدر مرسوم .... ميدوم الظالم ميدوم

م_ث_ل ج_ده .... ع_زم ع_ن_ده

باب الحوايج مسموم

عاش اسنين ابمحنه و بلوه .... مسجون و إيمانه يقوه

فرصه ايقول الأهل التقوه .... و طلق هالدنيه الما تسوه

ليل انهار ايصلي ايصوم .... و يشكر الله اعله المحتوم

الزهد طبعه .... و يهل دمعه

باب الحوايج مسموم

شيعته ابلهفه اينشدون .... يمته الفرج يالمسجون

قلهم عالجسر اتحضرون .... بغداد و راح اتشوفون

جم شيعي ينظر مالوم .... يتنه الإمام المعصوم

عله الموعد .... إجت تنشد

باب الحوايج مسموم

سمعوا صوت اينادي ابحسره .... يا شيعه و مخنوق ابعبره

يا هو ايشيع شبل الزهره .... ايغسل جسمه ايدفنه ابقبره