ويلي عله المسموم ويلي عله المسموم

زنزانة البصره عقب ما سجنوه هارون آمرهم ابسرعه اينقلوه

السلطة الفضل ابن الربيع ايودوه ابسجن الفضل قضه اسنين للموته يتمناها

اتهاون الفضل ابن الربيع ابجتله و اكتب له هارون الرشيد ايقله

الزنزانة الفضل ابن يحيى اتنقله روح الإمامه ابلوعات تتنقل ابمنفاها

الكاظم حمل جور و مظالم هارون عن أهله منفي و بالزنازن مسجون

شيعته ابدمعات المصيبه اينشدون اليا ذنب سجنوه القوم و اليا جنايه اجناها

خلوه لوعات و غصص يتحمل كل يوم من سجن السجن يتنقل

و السجن ابن شاهك النوب اترحل ابها السجن كل ساعه الروح طول الأجل يدناها

هذا السجن مظلم صدع ركن الحيل خله المدامع تنحدر مثل السيل

ما يقدر ايميز نهاره امن الليل جم فاجعه اتشيب الراس ابهذا السجن لاقاها

ابرجله الحديد و بالظلام الداجي ايواصل صلاته و للإله ايناجي

يا ربي عبدك آنه منك راجي انقذني من هالديجور روحي السجن آذاها

و ابيوم من أيام سجنه المشؤوم لن ابن شاهك عالغدر صار ايحوم

من السجن طلعوا نعش السموم و اجنازة الكاظم هاي فوق الجسر خلاها

و الشيعه طلعت بالمصايب تنعه يم النعش كلها اوقفت مجتمعه

بدموعها النعش الغريب اتشيعه تجري المدامع و اتصيح عزتنه فارقناها

من قبل ما يندفن نعشه ابمثواه لن يحضر ابنه الرضه و تهمل عيناه

بيده دفن جسم الغريب وواراه شيعته اتواسي ابنوح واهو ابحزن واساها