باب الحوايج مسموم و احنه نصيح ابها اليوم

يا مسموم يا بو الرضه يا مسموم يا بو الرضه

باب الحوايج ما رعوه العدوان شاف الألم من السجن و السجان

عود الرضه و سابع أنوار الأكوان بالسجن مسدوده عليه البيبان

آية الباري مهموم و احنه نصيح ابها اليوم

جم عام ظل موسه بن جعفر جم عام يحمل ألم من الطغاة الظلام

محتسب للباري و تحمل آلام جور و مصايب جرع من الأيام

سابع اليمه مالوم و احنه نصيح ابها اليوم

و الطاغيه هارون أصبح حاكم و السندي بن شاهك الطاغي الظالم

مأمور و بأمر الرشيد الناقم كل يوم كل ساعه يهين الكاظم

باب الحوايج مظلوم و احنه نصيح ابها اليوم

أرباتعش عام الإمام اتعذب و بأيده و برجله الحديد و ينحب

نيران سجنه بالضماير تلهب شب الرساله امن الوطن يتغرب

آية الباري القيوم و احنه نصيح ابها اليوم

و الأشد من هاي المصايب و أعظم عود الرضه قلبه ايتقطع بالسم

و ابجتله هارون النذل يتبسم يتشفي ابجتل الكاظم

ليش الظلم حكمه ايدوم و احنه نصيح ابها اليوم

نعشه حماميل أربعه ايشيلونه فوق الجسر للكاظم ايخلونه

الموسه إمام الرافضه ايسمونه شيعت نعشه شيعته المحزونه

و اتهل مدامعها ادموم و احنه نصيح ابها اليوم

و الكاظم ابعز و مهابه اتشيع غسلوا جسمه شيعته بالمدمع

لجن احسين اعله الوطيه امبضع يمه علي الأكبر صريع امقطع

هجمت عله اخيامه القوم و احنه نصيح ابها اليوم

يا يوم أبو صالح يطفي الجمره و ياخذ ابثار أمه الزجيه الزهره

ثار الذي مقطوع بالطف نحره متخطب ابدمه و رضيعه ابكتره

ابسهم الشماته مفطوم و احنه نصيح ابها اليوم

يبن الحسن من الصبر ملينه ما عدنه غيرك يا ذخر هادينه

جمر المصايب بالقلب جاوينه ما تنطفي و النار تسعر بينه