شيعتك تبجي و تنادي **يالمتت مسموم

مرقدك يا علي الهادي** ابيا ذنب مهدوم

لمن سمعنه ** والله انفجعنه**ابيا ذنب مهدوم

إلك شيعه فلا تقطع بواجيها

و لا نار الوسافه تنطفي بيها

يمن قبة ضريحك من نصد ليها

مثل الشمس أصيله ابكل معانيها

غشيمه الرادت أنوارك تطفيها

يبن خير الوره و للرحمه هاديها

ياللي نور الرحمه نورك ** ينطفي هيهات

نعتني القبرك نزورك ** و نرفع الرايات

و يهل دمعنه ** و الله انفجعنه**ابيا ذنب مهدوم

يالبحبك رسول الباري وصانه

يبن حيدر علي المتميز ابشانه

و ابن أشرف ذبيح ابجوده و احسانه

الك عهد الرجال انرفعه مولانه

ضريحك للثريه انعلي بنيانه

يالغالي الرخص بمحبتك ادمانه

نرخص الدم و المناحر ** ندحر الأشرار

و للسمه انعلي المناير ** ما نعوف الثار

الغيره طبعنه** و الله انفجعنه**ابيا ذنب مهدوم

قساوة زمرة و أفعاله حاضرنه

إبشرور الماضي و اجرامه يذكرنه

بعد يوم السقيفه و جم زمن مرنه

طعام اسيوف اميه أضحت مناحرنه

و لمن صارت جماعيه مقابرنه

تحملنه و صبرنه و ما تأثرنه

عن يقين اللي يوالي ** يحمل الالام

ايقدم اشما عنده غالي ** ايقارع الضلام

و يشهد وضعنه** و الله انفجعنه**ابيا ذنب مهدوم

نفس الصوبوا ضلع أمك الزهره

و نسوا جدك و أبوك و خالفوا أمره

ودسوا للحسن سم طائفي الغدره

وضامي حسين بالطف و انقطع نحره

و ابوضع البقيع انته الذي أدره

جم جد الإلك ساوه الأرض قبره

واقع الحال و مصابه ** و الدمار الصار

عودت نفس العصابه ** التبغض الكرار

و شكوه رفعنه** و الله انفجعنه**ابيا ذنب مهدوم

من سلطة بني اميه و بني العباس

راوونه العذاب اللي يشيب الراس

ناس اتسلم اسلوب الجريمه الناس

و العنده ضمير و مبدأ و احساس

عدهم يعتبر مذنب يجب ينداس

ما يردون صاحب مرجله و نوماس

عدهم المعروف منكر ** و الوفي دجال

و الشريف اشلون يقدر ** يصبر ابها الحال

حرفوا شرعنه** و الله انفجعنه**ابيا ذنب مهدوم

البغضوا يا علي الهادي الوصي جدك

ردوا من جديد اتحاشموا ضدك

و نفس الصابوا السم الحقد جبدك

شافوك ابخلودك شامخ ومجدك

ينتقمون إجوا بالهدم من عندك

إلك شيعه التموت و تحتيي ابودك

عن وعي انصيح و عقيده ** يالطحت مظلوم

شيعتك ثارك نريده ** نصرخ ابكل يوم

نهتف طلعنه** و الله انفجعنه**ابيا ذنب مهدوم