يمته ننصب محكمه فاطمة يا فاطمة

يمته ننصب محكمه…فاطمة يا فاطمة

صوت من جوف الحناجر للزجية نرفعه…إلج بتراب المدينه هدموا اقبور أربعه
يمته آذان الشيعة يمته بالمناير نسمعه…ذهب نبنيها القباب و هالخبر ما أروعه
واحنه صوت الملحمه…فاطمة يا فاطمة

مو مثلهم احنه شيعة ما نركضنه اعله السراب…باجر انرجع البقيع و تخلص اسنين العذاب
معتقدنه وما نعوفه لو يقطعون الرقاب…أصبح الموعد قريب وعدنه وياهم حساب
و البقيع امهدمه…فاطمة يا فاطمة

احنه عشاق الشهادة وعالمحبه امعلمين…ما نعيش و ما نموت بدنيه ما بيها الحسين
كربله الطيبة مثلها وين تحصل أرض وين…احنه من عدها انخلقنه و ليها باجر راجعين
تشهد اعلينه السمه…فاطمة يا فاطمة

ما تبعنه الدنيه لحظه وصرنه وياها نميل…احنه ضحينه و نضحي ومانعوفج مستحيل
ما هوينه و لا عشقنه بس علي حامي الدخيل…نسحق بروس النواصب بينه لو رادت تعيل
و العلينه انقدمه…فاطمة يا فاطمة

آنا محبوبي الهويته ما سجد يوم الهُبَل…هاي مشهودة بصفاته لو قلت خير العمل
احذر المجروح لمن تنظر بعينه الزعل…سيف ذو الفقار عدنه للمجد مضرب مثل
يشهد الحامي الحمه…فاطمة يا فاطمة

يا زمان الخوف كافي مو بعد ما ظل صبر…كافي مو كل يوم يرجع حرمله بسوط اليسر
نمشي مجروحين واحنه ادموع ما تقبل عذر…دمنه أقرب للحقيقة و باجر الدم ينتصر
واحنه ضحينه ابدمه…فاطمة يا فاطمة