شاعر: جابر الكاظميرادود: باسم الكربلائي
يلنك نبع ينتظرك ربيع العمر يا عباس
عبيرك كحل اعيون النسيم الهاب …يبن القلع بيده الباب
أنثر لك أهداب العين يا من للجفن أقرب من الأهداب
أحبابك سفينه و شيمتك خنياب
يالتطفح بحب الناس (يا عباس)
كمر و اتغار منك نجمة الغبشه …و معانيك سحر نيسان
أشمك نسمه يتباهه بمحاسنها شذى الريحان
يهيبة هاشم و عدنان…يمن بيك المراجل و الشيم تنصان
يغالي و أغله من روحي و يا أغله من دم اليجري بالشريان
إنته الياس لا بل عطرك أطيب من عطير الياس (يا عباس)
أمتلت بالحب سفينتنه و حبك للسفينه اشراع
نحبك حب نثيث الغيم من يشبك اتراب القاع
أبيع النظر من عيني …و أبيع أيام عمري و زهرة اسنيني
و أبيع اشما ملك جفي بس حبك ثمين و أبد ما ينباع (يا عباس)
اجيتك أعثر بهمي و اتوجب بسواد الليل…و اعيون الليالي اوساع
اجيتك و الاشواك اتسير بيه بمركب الاحساس
اجيتك و الأمل رايه اتخفق اعله الراس
اجيتك وارد اكلك حبك بروحي…يمرهم يا دوه اجروحي
حبك ينزل و يصعد ويه النبض و الأنفاس
ياكلك وفه و نوماس (يا عباس)
مصدر النقل: موقع القصائد الولائية
4مشاهدة