شاعر: السيد سعيد الصافي الرميثيرادود: عباس الكوفي
يحسين …يبن الزهره يحسين
قلبي خلصت إذنوبه …و جيتك أطلب التوبه …يبن الزهره يحسين
موقف من الحر يلفت الأنظار…ليش يتراجف و بالحرب مغوار
نفسه خيرها بين جنه و نار…و إعتنه إينادي يبن حامي الجار
خلصان … هذا العمر خلصان
و أدري الموته مطلوبه…و جيتك أطلب التوبه …يبن الزهره يحسين
قصد يم حسين و الدمع يجري…جيتك إيقله و عبرتي إبصدري
أغسل إذنوبي من دمه نحري…و ألتمس تقبل شكوتي و عذري
أنخاك …جيتك أبجي و أنخاك
إبجاه أمك المحجوبه…و جيتك أطلب التوبه …يبن الزهره يحسين
ما أرد عنك لون أتوذر…منهو يشفع لي إبساعة المحشر
لو شفت جدك منه شتعذر…و أنظر إعله الحوض والدك حيدر
المحتار… لترجع المحتار
إيريدك تستر إعيوبه…و جيتك أطلب التوبه …يبن الزهره يحسين
صوت بالجنه إيبشر إسمعته…و قلت ما ينزال ذنب الذنبته
و درب ضعن حسين آنه غيرته…بيه حرم و أطفال و آنه روعته
مطلوب …إبهذا الذنب مطلوب
و لا بد للضعن حوبه …و جيتك أطلب التوبه …يبن الزهره يحسين
و الغريب بحسين رد عليه إجواب…يرحم الباري و يرد كل طلاب
و عنده للتوبه إمفتحه الأبواب…و الحور إتوجاه و بدمع سجاب
غفار …غفار يا من إنت غفار
إعليك الرحمه مكتوبه …و جيتك أطلب التوبه …يبن الزهره يحسين
مصدر النقل: موقع القصائد الولائية
2مشاهدة