يا فرج الله

تدري اشصار…يالمهدي
هاك  اخبار…يالمهدي
حان   الثار…يالمهدي
يا فرج  الله     …يا  فرج  الله

ينوح العالم الليله …اودمعته ابعينه مذروفه
ونه  اتهاوه القلم مني…اووقع دامي على  احروفه
يبو صالح عمت عيني … لون تدري اششفت  شوفه
شفت  مرقد علي الهادي …انهدم والقبه  مقصوفه
حيلي انحار …  يالمهدي
عقلي احتار … يالمهدي
والدم فار … يالمهدي…يا فرج الله

اوكفت  بعيني  مدهول …وشوف بعيني ها المنظر
وخدني عالم الذكرى …بقيع الغرقد اتذكر
مراقد اربعه الطاحت …وجه ها العالم  اتغير
وعدنا  مرقد الأطهر …الكعبه اشلون  تتفجر
الكون  اندار … يالمهدي
والاقمار … يالمهدي
والاعبار  … يالمهدي…يا فرج  الله

يمهدينه  الكفر كله …علينه ابظلمه يتماده
اوافعال اللايم ايزيد…تتواره احفاده
امس رسموا نبي الرحمه …اباسائه الشخصه ومجاده
واليوم الهم الاذناب…تهدم مرقد  اولاده
عا لمختار … يالمهدي
و لاطهار … يالمهدي
والابرار  …  يالمهدي…يا فرج  الله

الامم من تهتدي ابقاده ….تعضمها اوتمجدها
اوتقيم الهه نصب تذكار …يذكرها  اويخلدها
لاجن  زمرة التكفير …هالفكره تقف  ضدها
اواثار  البقيع اليوم… ضلت من  شواهدها
بس اثار … ياالمهدي
لا انوار …  يالمهدي
لا  اسوار … يالمهدي…يا فرج  الله

عبيد  النار يالمهدي …رغم خزت  عقايدها
تقصد  تعبد  الاوثان …وتناجيه بمعابدها
مراقد  عترت الهادي…اجت الزوار  تقصدها
شرار الامه تقتلها …مأسينا  تجددها
فتحوا  نار  …  يالمهدي
اصغار اكبار … يالمهدي…يا فرج الله

ظلم وارهاب يا لمهدي …ما صح بالدهر  منه
فعل اشرار ها الأمه …انه انقلك خبر  عنها
يذبحون اليجي زاير …والذباح  يتمنى
كل عشره اليذبحوها …بيهم يدخل الجنة
اهل  العار … يا المهدي
ها  الافكار …  يالمهدي
تشب النار … يا المهدي…يا فرج  الله

طفح كيل الصبر بينا …وعلينا طاقت  الوسعه
ارامل ظلت وايتام …والله تنحب ثاكله وتنعه
اينوح  اليوم موطنا …ولا من يرحم ويرعه
والاحزاب  يالمهدي …كلمن يعمل  الربعه
الاستعمار  …  يالمهدي
طب لدار … يالمهدي
ياللعار  … يالمهدي…يا فرج  الله

لو  عظم الجريمه اليوم … فجرهه  المدامعنه
لاجن  ساعة الشدات … معروفه  صنايعنه
احنه  من علي الكرار…مجبوله  طبايعنه
والله  نسحك الاشرار … لو تقبل مراجعنه
هذا انذار … يالمهدي
وحنه  احرار …  يالمهدي
من نختار … يالمهدي…يا فرج  الله

يبو  صالح ايمتنا… لو الكواكب تزهي  جالفرقد
واذا  هدموا مراقدهم … لو قلبنه الكل ولي  مرقد
ايمتنه هداة الدين … لو اشهد يالولي اشهد
على  حبكم  ياوالينا … لو عهد جلمتنا تتوحد
جالانصار  … يالمهدي
بليا ثار … يالمهدي…يا فرج الله