شاعر: السيد عبدالخالق المحنّهرادود: باسم الكربلائي
يا صبرنه ابتعد…ماتت الوالده
و آني طبع الورد…عايش اعله النده
أمي قبلة و آني أتوجه عليها…أحله ما بالدنيه شوفتها و حجيها
همي كله ايروح من لمست ايديها…رحمة الله و رأفته موجوده بيها
ما أظن باللحد…تهجع الفاقده
و آني طبع الورد…عايش اعله النده
أمي يا جلمة هله الينقض ملحها…تبتسم كلها إلي و اتضم جرحها
أمي دنية و الظهر ذبحوا صبحها…يا فراشة امن السمه و كسروا جنحها
راحت و أعتقد…للعرش صاعده
و آني طبع الورد…عايش اعله النده
آنا الحسين و شفت كسرت ضلعها…و أدعي يا ربي انتقم من الصفعها
بوية يا حيدر صحت انظر وضعها…شافت الوالد إجه و مسحت دمعها
للضلع يستعد…حيدر و شاهده
و آني طبع الورد…عايش اعله النده
أنتظر حيدر يجي و ندخل سوية…جنت أحس فضه تضم سرها عليه
فاطمة طول الوكت تشتاق إليه…آني ما أستغني عنها تدري بيه
فضه شو ما ترد…انتي متأكده
و آني طبع الورد…عايش اعله النده
من رحت ليها صحت يحبيبه قعدي…و النبي مشتاق لج جم زهره عندي
انتي ما ترضين أظل بالدنيه وحدي…يمه قلي لي هله و بوسي لي خدي
يالمردتي الجبد…لسه متوسده
و آني طبع الورد…عايش اعله النده
ونت اعله المغتسل أمي اسمعتها…اتقدمت خطوه و طحت لمن شفتها
يمه حاجيني بمحمد حلفتها…فتحت الذرعان إليه و اشبقتها
يالعليج أعتمد…مر عذابج بده
و آني طبع الورد…عايش اعله النده
آنا شابق أمي و ادموعي أهلها…والدي يرفعني عنها و أرجع إلها
أسمع أملاك السمه نادت بعلها…يا علي هالمعضلة انت التحلها
يا علي و القصد…ادفن العابده
و آني طبع الورد…عايش اعله النده
مصدر النقل: موقع القصائد الولائية
1مشاهدة