يا ساقي يتامانا

يا     ساقي    يتامانا     …عُطاشا

رحت و بروحتك عفت الخيم ضجه
رقيه   ابغيبتك  لا  روح  لا   مهجه
سكينه  اخلاف  عينك منهو  تترجه
ما  غيرك  بعد  يا  با  الفضل  ملجه
و     اللهِ     ستلقانا     …عُطاشا

تعال  و شوف حال الما حصل مثله
كل   ساعه  تروح  الخيمتك   طفله
لمن   ما   تشوفك   تبجي   منذهله
تصيح   الماي  وينه  يا  أبو   الحمله
قم   و   إسمع   رعايانا   …عُطاشا

أطفال   و   حرم   بالخيمه    تتلوع
و   الأصعب   علينه  حالة  الرضع
شفت  طفله و دليله ابحسرته  اتقطع
يقومها  الصبر  و امن العطش  توقع
كم   نشكو   و  شكوانا…عُطاشا

ما   يحله   العذب  الا  من  ايمينك
لا   لتلوم   طفله  التنشدك   وينك
تخاف   اعله  النهر  مرميه   جفينك
و  ايحول  العمد  ما  بينها  و  بينك
في     أقسى    رزايانا    …عُطاشا