يا دهر زينب زينب

يا  دهر زينب زينب……… يا دهر  زينب
ما تنطفي جمرتها………… يا دهر زينب

يا  دهر زينب نور عين الإسلام ….. حارس  خدرها
عگب السلب هيبة الباري العام ……………. صارت سترها
يا  دهر إنت وكربلا وجور الشام …………… ضاع  بصبرها
الصبر  حكمه حكمه …… والصبر  حكمه
والحكمه من عصمتها ….. يا دهر زينب

يا  دهر بضعة فاطمة المحجوبه ……… عندك  علمها
چم  سهم  منك بالگلب مصيوبه ….. فجرت  دمها
وخليت  دمعتها  بدما مسچوبه …… الطيحة علمها
يا دهر جورك جورك …. يا دهر  جورك
نار وشعل چبدتها …. يا دهر  وينب

يا  دهر بضعة فاطمة بالكونين ……. خالد  مجدها
ومن  گطع  سيفك عالشريعه الچفين …… گطع  چبدها
وسهمك  العينها ومرد چبد حسين …… وهذا  المردها
يا  دهر غدرك غدرك …. يا دهر  غدرك
فارگها عن إخوتها …. يا دهر زينب

يا  دهر تدري بكربلا شلون حجاب …… داره  اهدمتها
يا دهر تدري بكربلا شلون اطناب …. ناره  اشعلهتا
يا  دهر إنت وحرمله شلون صواب …… الزينب  صبتها
حربة  الصابت  صابت ….. حربة  الصابت
نحر الطفل فجعها …. يا دهر  زينب

يا دهر طبراتك بجسم الأكبر ….. من گطعنه
وشلون بگلب العقيله يسعر ……  واشمرمرنه
وحرگ المخيم بالفواطم أثر ….. جمرة  الونه
من  تشب نارك نارك … من تشب  نارك
بماي الصبر تطفيها … يا دهر  زينب

يا  دهر عد زينب شباب الجنة …… جاسم  تودع
خليت لمصابه تجر الونه …… والجفن يدمع
عريس وبدم الوريد تحنه ….. والحوفه مصرع
يا دهر سهمك ما خطأ  بالنيشان
خله  التكفل زينب على  التربان
من گال زينب توگف بنص  ديوان