يا دار حسين حاجيني الأهل عافوج راحوا وين

يا دار حسين حاجيني الأهل عافوج راحوا  وين
أهل عندج بعد بيهم يرد لج من سفرته  حسين

يا  دار حسين أنا أم عباس أسولف لج  إسمعيني
ألوج و صورة التوديع صعبه إتغيب عن  عيني
أصبرج لو عله الفرقه يا دار إنتي تصبريني
أصبر  و  الصبر شيفيد …قلبي إويه الضعينه  إيريد
و عن عيني الحسين  إبعيد
أظل  إبنارج و ناري أنوح و عايشه  النارين

يا دار خلوني وحيده أحبابج و خلوج
شهر  صار إعله فرقاهم لا مروني لا  مروج
ما قالوا لج إيردون يوم الشدوا و عافوج
ما  أدري  إشجره إعليهم …ووينه اليعتني  ليهم
اليا حد أبقه  أتانيهم
لا أدري و لا إنتي إبهلج يا دار ما تدرين

إرحمي إبحالي حاجيني أشوفج موحشه و ظلمه
إثنين  إبفقد  أهاليهن وديعة دار و الحرمه
أنوح  و ناسيه أولادي و أهم بحسين مثل  أمه
ما راضع إبدر صدري…لجن راضع عطف عمري
إبني إعليه نفد صبري
من زغري من أشوفنه يحن قلبي تهل العين

يا دار الليل لو مرني يعذبني ظلام  الليل
أصد  لقعادهم يمي و أصد مره المجان  الخيل
و  أصيحن وين يولادي فرقاكم يهد  الحيل
يا  هالغياب إرحموني…و لو بالطيف  مروني
عمن من البجه إعيوني
تريد الروح ملاقهم و أقول الراح أجيبه من إنين

يا دار إوياي إنديبيهم و إذكري و  لوعي
أنوح و محنتي محنه إفراق أهلج حنه إضلوعي
لا  حزني أبدلنه و لا ينقطعن  إدموعي
لمن تصل غيابي…و أشوف ابعيني أحبابي
أقطع     وني    و    إعتابي
و  آنا إوياج ملقاهم نظل إبنوحنه إمتانين