يا حادي الشوق بونيني

يا  حادي  الشوق  بونيني

آه الليل و امن اهموم  حسباته
تعد  الناس للأفراح  ساعاته
يا  حادي الشوق قلبي اتزيد  شوغاته
إخذني و روح  للوالي

يا حادي الشوق أخذني و راح بالحسره
صحت يا شوق وين المحتبه و  قبره
صاح الشوق يالتنشد عله  الحضره
إقعدت  مهموم  بآهاتي

لا  زاير أشوفن لا ضوه و  شمعه
و لا ناعي أسمعه اعله القبر  ينعه
أواسي  بالنياحه الطاهره  البضعه
ظهر  هالصوت  من قبره

صوت  امن القبر بأحزانه  يحدي
يا  جرم الجنيته و بادي من  عندي
أنه المظلوم حته بقبري و  بلحدي
أنه المظلوم زوروني

مرتين  الأعادي آنه جتلوني
يم جدي أنه الوصيت  إدفنوني
بحياتي منهم أكثر شافت  اعيوني
حليف  الآه و  الونه

اعيوني شاهدت منظر بعد منظر
إفقدت جدي الرسول و بضعته  الكوثر
و بالمحراب أشوفن والدي امطبر
شفت أمي  سطروها

قلي  الشوق  هذا المنقطع جبده
هذا اوياه اسهامه اندفنت ابسده
الحسن يا صاح وسدوا عالترب خده
عله التربان ظل جسمه

حادي  الشوف ناداني ابقلب  مهموم
بني  سفيان إجت ابصوتها  الميشوم
ابحياته ابقبره سبط المصطفه مظلوم
صعب  يا  ناس  توديعه

اعله جنح الليل  وديني

ما يلفيني إلا وياه  لوعاته
و آنه لو لفاني تلفي  نكباته
و عله المظلوم جفني اتفيض  دمعاته
و إخ_ذ أش_واق دلال_ي

و  نزلت  ابحيرتي اجري دمه  العبره
شو أنظر بقيع و بلقع و  صحره
الحسن قبره صبح صافيه بس صخره
و أهل ادموم دمعاتي

و لا صوت النياحه ابكتره  مرتفعه
إقعدت ألطم و انوح و أذرف الدمعه
اعله  إبنها  الجبدته بسموم  متقطعه
ابونيني و آه و بحسره

آه ابيا ذنب و السم مرد  جبدي
منعوا  دفنتي يم النبي  جدي
عليه  هدمته و اتحزبت  ضدي
ابقلب  مهموم   نادوني

بالسم مره مره إسهام  صابوني
رموا  نعشي  بسهام و تالي  بعدوني
فتن و آلالام بيها القوم  ظلموني
عشت بالضيم و المحنه

عمري  امن الزغر للنايبه  اتحضر
و ضلع أمي نظرته امهشم  امكسر
عشت مظلوم كل عمري بعد  حيدر
اعله باب الدار  عصروها

هذا السمته ابجور و غدر  جعده
أخبرك  بالأشد  يومه و أشد فقده
لجن حسين جيف اتوسد  الغبره
قطيع  الراس أبو  اليمه

عن  قبر الحسن شد الرحيل و قوم
تنّحي  بالسياط الليقصد  المسوم
و  يبقه  للحشر قبر الحسن مهدوم
الحسن مظلوم يا شيعه