يا بويه إبفقدك ظلموني

يا بويه إبفقدك ظلموني…نكروا فضلي و ما  حشموني
يوم  إغيابك  يهمل دمعي…ليش أصحابك كسروا  ضلعي
يا بويه إبفقدك  ظلموني

بضعه جنت إتقول فاطمة مني…و جنت تتنشد كل وكت  عني
بويه  بغيابك  دهري دوهني…و لا نشف دمعي و لا هجع وني
من غمضت عينك هضموني…بويه الأشرار  إتولوني
و إنت التعرف قدري و طبعي…ليش أصحابك كسروا  ضلعي
يا بويه إبفقدك  ظلموني

و بعدك إتوصي يا نبي الرحمان…و سمعوا إوصيتك العبدوا الأوثان
و  قالوا الهادي يهجر و خرفان…إعليك ما قبلوا أنصب  الأحزان
حبسوا  دمعي  بين إعيوني…و أبجي إعله إفراقك  منعوني
و  من سمعوني الفقدك أنعي…ليش أصحابك كسروا ضلعي
يا بويه إبفقدك  ظلموني

و الخليفه ليش شوره يردونه…و الوصي بعدك علي إيعرفونه
وشصدر  منه  لو ينحونه…و الورث حقي و لن  يمنعونه
أم  السبطين إيعرفوني…من ورثي إخلافك  حرموني
جيت أطلبهم حقي الشرعي…ليش أصحابك كسروا  ضلعي
يا بويه إبفقدك  ظلموني

إبيا  ذنب بويه هجموا اعله الدار…و لنها بالعتبه غدت تلهب  نار
الباب  دفعوها و صابني المسمار…إمجتف إوياهم أخذوا  الكرار
من وقعه طفلي و صابوني…بمصاب المحسن  فجعوني
ريتك  بويه  إتشاهد وضعي…ليش أصحابك كسروا  ضلعي
يا بويه إبفقدك  ظلموني