يالهادي يالهادي من بعدك ما رحموني

يالهادي يالهادي …. من بعدك ما رحموني
يالهادي  يالهادي …. بعد اعيونك  ظلموني
يا بويه بضعتك …. آنه الزهره الزجيه
يا  بويه فركَتك …. أصعب هم  عليه

أبدي لك اسمع شكوتي و سمعني بويه إجوابك
نكروا  قرابتنه  العجب و هجمت علينه  أصحابك
بيتك  خدم بيه الملك و النار تحرق  بابك
و اسيوف اللي ذلها المرتضه انسلت عليَّ  بغيابك
داسوها  داسواها  …. احدودك يا سيد  الأكوان
نكروها نكروها …. من جتفوا داحي البيبان
وياك بهالقبر …. دفنوا ذيج الوصيه
يا بويه بضعتك …. آنه الزهره الزجيه

بعدك على ابياض الجفن قبل الدفن  يالمختار
صف  الظعن ويه الإبل عن دربك الحادي  اندار
عافوا  عترتك و انفروا أمر النكر حامي  الجار
و  حين  اللي عينك غمضت فزت اعيون الأشرار
ظلموني  ظلموني …. ما راعوا حالي الأصحاب
عصروني  عصروني  …. ما بين الحايط و  الباب
بالعتبه  من  اوقعت …. آنه أول  ضحيه

ذاك الهنه اوياك اندفن و صار الحزن عنواني
حيدر  ايشاهد حالتي من بنه بيت  أحزاني
ما جني دوحة مصطفه و اتغيرت ألواني
و  منعوني حته امن البجه و اتقفل باب إلساني
أشكي  لك أشكي لك …. من خانت بينه  الأيام
أحجي لك أحجي لك …. من عافوا درب الإسلام
ويه  العتره بدت …. هذي أكبر رزيه

يهضمني  حال المرتضه امجتف بحالم صبره
و  حسراته توجعني أشد من ألم ضلعي و  كسره
و  أول مصيبه امصيبتي و تالي اشيمر  عالعتره
و كل حسره نار و تستعر اتواكد الجمره  بجمره
حسراته  حسراته …. تبدي لك يطاها اهموم
دمعاته  دمعاته  …. تعكس آلالام  المظلوم
ما جنه المرتضه …. و حيدر حامي الحميه

ضمني يبويه بهالقبر و خليني أسكن  يمك
و  هم الوصي المرتضه ايزايد و ضاعف  همك
ما  بين أنفاسي جنت و بهالترب  أشتمك
ياريت وياك انزلت باع ويه لحدك ضمك
بضلوعي  بضلوعي  …. ظلت لوعات  المسمار
وادموعي و ادموعي …. اتخبرك عن نار  بهالدار
نارين باجر …. تشب اخيام  الغاضريه