شاعر: السيد سعيد الصافي الرميثيرادود: جليل الكربلائي
يالمعتني للحرب…. وشلون أصبر القلب
لمن رحت يالأكبر…. ريض صحت يالأكبر
يبني علي الأكبر
يبني ريض خل أودعك و أرد أحضنك بين ايديه
و قلبي يتلاقه اويه قلبك يا علي ابونه شجيه
و العتب و الدمعه تبره نارك و ناري السريه
يبني أقطع ظني منك لو ترد سالم عليه
وشلون أصبر القلب …. يالمعتني للحرب
قلي اشقلت يالأكبر…. ريض صحت يالأكبر
يا علي ساعة وداعك أصعب من ساعة مماتي
و انت يوليدي ابوجودي شمعة تضوي الأمنياتي
روحي من روحك نفسها و من حياتك كل حياتي
هيج اوداعك حناني و رجعتني الذكرياتي
أذكر ارباك الصعب…. وشلون أصبر القلب
بيه اتعبت يالأكبر…. ريض صحت يالأكبر
عايش ابين الجوانح شهرك التاسع قضيته
و جم نذر لجلك نذرته يبني و اصيارك تنيته
يشهد الليل السهرته و ما أظن ساعه غفيته
قابلت مهدك و أناغي و عالمهد قلبي حنيته
قلبي تركته ابرعب…. وشلون أصبر القلب
ترجع ردت يالأكبر…. ريض صحت يالأكبر
أنتظر يوليدي تكبر وبوجود اقضي عمري
تجوه يوحيد حسبتك لو زماني يحني ظهري
و لو دنت مني المنيه اتغمض اعيوني يذخري
و الجفن بيدك تفصله و بيدك اتوسدني قبري
دمعك الفقدي يصب…. وشلون أصبر القلب
أحلم جنت يالأكبر…. ريض صحت يالأكبر
يالرحت عني و عفتني عالدرب مشبوحه عيني
يبني طرف الخيمه شلتك ابحسرتي و دمعي وونيني
وجهت للباري وجهي ابلهفة الروح و حنيني
راسي كشفته و دعيته يا علي سالم تجيني
يربي النظر للدرب…. وشلون أصبر القلب
و اتنطرت يالأكبر…. ريض صحت يالأكبر
و استجاب الباري مني لمن يحفظك ندبته
يا شبيه الهادي وجهك جالبدر يوليدي شفته
ساعه يوليدي و بعدها لن خبر جتلك سمعته
و بالدمه امخضب أشوفك و جسمك ابشوغه حضنته
يالما رواك العذب…. وشلون أصبر القلب
ضامي متت يالأكبر…. ريض صحت يالأكبر
مصدر النقل: موقع القصائد الولائية
4مشاهدة