والينه حيدر بالكعبه نور

والــيــنــه  حــيــدر
شـع  وزهـه  اعـلـه  الـكون

حـيـدر  أوصافه  بيها القلم  حار
عـلـم  و شـجاعه شاهد  الفقار

آيـة الـرحـمـان مـا مثله  آيه
نـمـشـي  اعله نهجه نهج الهدايه

آيـة مـحـمـد و نفسه و صفاته
و  انـت عـضيده ابكل  معضلاته

ابـكـل موقف اسمك حيدر  تردد
و ابـخـيـبـر الباب للأمه يشهد

و  الـشمس  ردت من بعد  لغياب
و  مـيـزك  ربك ما بين  لصحاب

حـبك  جنوني  و أفخر عله  الناس
لـلأصـلـه  زاكي حبك  المقياس

گالـوا مـغـالـي قلت إلهم أكثر
و  لا عرش بلقيس امن اليمن  يحضر

فـتـشـت قلبي شفتك نبض  بيه
لـو جـف وريـدي حبك  يغذيه

و  أفـتـح اعـيوني و إنت  أمامي
و مـن يـمـر ذكرك أنسه آلامي

بــالــكــعــبـه  نـوّر
جـبـريـل  كـبـر الله  أكـبر

قـطب  الحقيقه و حوله الفلك  دار
سـتـبـقه  للأجيال ما ظن تفسر

روح  الـعـقـيده  و تاج  الولايه
و  بروحي  حبه ايسير من عالم  الذر

و  الـنـور نـوره جوهره و  ذاته
و  بـيك النبي المختار يتباهى  يفخر

و ابـبـدر و احـنين ذكرك  تخلد
و  بـأحد خله الروس بالحومه  تنثر

و  خاشع لك الكون يا سر  لكتاب
بـالحشر تسقي الناس بيدك  الكوثر

يـا  مـلـه عدها مثل أبو  العباس
و  الـدين أبد لولاك ما كان  يذكر

لـو  لا مـا عـلي ما آدم  تصور
غصبن عله العذال الكل علم مصدر

لـو كـثـر هـمـه إسمك يسليه
و  أفـتخر بين الناس مولاي  حيدر

لـمـن  أغـمـض تبقه  بأحلامي
إنـت  الدوه اللي بيه جرحي  تخدر