رادود: جعفر القشعمي
ضاقت يا نبي الرحمه عليّ دنياي
و جيت ببابكم يا سيدي عنّاي
متلهف إلك و بخاطري شكواي
و العطشان يقصد سيدي للماي
روّينه من ماي الكوثر
ما همنه اللي واقف يمنع اللي يزور
نزور أموات احنه و نعبد اقبور
المسودن ما عنده عقل ويه اشعور
شرك بدعه يقلك هالأمر محظور
كل ظنه يمنع زوارك
كل مرسل يطه و كل نبي دونك
و لا موسه بلغ هارونه هارونك
أصل طيب يشجره و طيبه اغصونك
تدير الكون كله ابكافك و نونك
تدبيره بيدك هالعالم
يبو الزهره قسمنه اعليك بالزهره
الك طاير قلبنه و بالقلب حسره
و هاي أرواحنه طارت الى الحضره
يتامه و لذنه بيك ابساعة العسره
مولانه يسرها ابفضلك
مصدر النقل: موقع القصائد الولائية
3مشاهدة