هوسات بحق القاسم عليه السلام

حيهم يا بني هاشم ياليوث الوغه  يكرام
أريدن كل شخص منكم يقوم ايجرد  الصمصام
اخويي الحسن خل يفرح هالليلة ابعرس  جسام
هاي  الليله  اليتمناها

اخويي الحسن لمن مات جان اشكثر يتمنه
ليلة زفة اوليده يحضر الشمع و  الحنه
لاجن  سم جعده من إبنه قطع  ظنه
خل  انبشره ابعرس  اوليدي

يبو امحمد ابها الليله ريت ابكربله موجود
و تشوف القاسم اوليدك متسلح ابسيف  الزود
و  عمه احسين عن يمناه و عن يسراه راعي الجود
و الأكبر شمعه اتضوي له

جاسم  صاح يا عمي اخوتي خل  يزفوني
عروسي الحومه يا عمي و ليها ابساع ودوني
اشتطلب  مهر  من عندي أوفيها و  تشوفوني
وشما رادت من أرضيها

الحومه  اتلقته و اتصيح هله ابشبل الحسن جاسم
هله ابدر التمام الجاي من دوحة بني هاشم
دمك حمرة اترابي و ليَّ ايظل فخر دايم
و  أتباهه ابعرسك  خليني

هلهلت زينب و لكن انت تدري اشوكت زينب هلهلت
ساعة الشافت الرايه عالروايه العاليه كلها  علت
و  شافت الحومه تموج و كربله ابزود ابو الغيره  اتزلزلت
و اهتزت و انطر  واديها