شاعر: السيد سعيد الصافي الرميثيرادود: أحمد الباوي
هالليلة اوداع يا روحي
نوحي يا روحي لمن اتموتين
ضاعت آمالج بعد شتانين
صبحي اعله الضيم يا روحي
اوادع هالليلة ويه خويا احسين
أحسب الباجر و المصاب البين
روحي اويه احسين يا روحي
زينب الليله اشلون حالتها
و لا هي غيبه اتقول تقضي مدتها
أشباح الموت يا روحي
صوت أخوها احسين يندب اتسمعه
طلعت الحره لجن اشطلعه
هاي أختك هاي يا روحي
ايقلها يا زينب و هالدمع عينه
و بعد اخوج احسين ما تشوفينه
صبرج عالضيم يا روحي
لفت يم عباس تلطم و تنحب
لو عفتني ايروح خدري لمترتب
أبقه أويه اعداك يا روحي
هالليلة اوداع
محد يلومج لمن اتنوحين
و اخوتج عنج للحرب ماشين
هالليلة اوداع يا روحي
ما هجع قلبي و لا غفت لي عين
حايره بأمري و أصفق الجفين
هالليلة اوداع يا روحي
حرمه و تودع ستر عزتها
تنتظر بلجن ترجع إخوتها
هالليلة اوداع يا روحي
ايريد من عدها تطلع اتودعه
بالهضم تعثر و حسره و الدمعه
هالليلة اوداع يا روحي
يا ختي هاي القوم حاطت اعلينه
أمنت عندج سلوتي اسكينه
هالليلة اوداع يا روحي
يا جفيلي اختك يا ذخر زينب
من يطفي النار بالخيم تلهب
هالليلة اوداع يا روحي
مصدر النقل: موقع القصائد الولائية
1مشاهدة