نقسم بالضلع المهشوم

عبرنا الحزن بالتهليل  والتسبيح
وكل ساعة نجم ما بين ايدينا ايطيح
وعلى ضلع الشمس مدمعنا دم ايسيح
وكلما فجر يبزغ ننتحب  ونصيح
———
يازهراء**نقسم  بالضلع  المهشوم
يازهراء**لو  كنا وياج ابها  اليوم
يم  الباب انمد ارقاب *** وشحدا اليوصل  للباب

وحق  من رفع فوق الواسعة  السبعه
وجعل  من  ابنج احسين الحجج  تسعه
لكم  نذكر  اللي صار  يالبضعه
منافذ تنفتح للونه  والدمعه
كلنا  انصيح ياريت ايعود اللي  راح
نحمي احدود دارج ونقدم ارواح
ويالطغيان الف حساب *** وشحدا اليوصل  للباب
يم الباب انمد ارقاب *** اشحدا اليوصل للباب

يمر بينا القهر واحنا اعلى جرف النوح
ضمايرنا سفن ومحملات اجروح
واذا راحت الدنيا وانتهت كل روح
يظل  كسر الضلع باقي وأبد ما  يروح
بينا ايعيش كل لحظة اصواب  البسمار
وسفه  وحيف  ما شفنا الهجمة اعلى  الدار
كان اهناك انحر احراب *** وشحدا اليوصل  للباب
يم  الباب انمد ارقاب *** وشحدا اليوصل  للباب

الزمن  لو عاد بس رب العرش  يعلم
فبل  ما  يالوديعة الضلع يتهشم
وقبل ما الرجس عالباب  يتقدم
كان  ابنينا قلعة من خلايا  الدم
نصبح  سور يم دارك ونصيح  بصوت
ننطي  ادموم يالزهراء وما يهمنا الموت
انخط الموت اعلى الاعتاب *** وشحدا اليوصل للباب
يم الباب انمد ارقاب *** و شحدا اليوصل  للباب

هجوم الدار نجرع هضم خلانا
اخذنا ويا يم حياض الموت ودانا
رزية محسن اعظم رزايانا
جمرتها تقوم وتقعد ويانا
موجودين  ريت ونقطع حبل  الضيم
بالاسياط خل تمطر دمع عين الغيث
من الاجلاف مانرتاب *** وشحد اليوصل  للباب
يم  الباب انمد ارقاب *** وشحدا اليوصل  للباب

مثل  ما غيرة البركان  تتفجر
انفجر  بينا الحزن وارواح  تتوجر
سئل حادي القهر من عندنا  واستفسر
بهجوم  الدار كان ابيا كتر حيدر
حيدر  كان موجود وشاف اللي  صار
يفني  الكون لو ما يوصيه  المختار
جان اختار ليث الغاب **** وشحدا اليوصل للباب
يم الباب انمد ارقاب **** وشحدا اليوصل للباب