مهدينه اليوم عالقبر إيحوم

مهدينه اليوم…عالقبر  إيحوم
دمعاته  إدموم…و إمتاني  الثار

بالدمعه قاصد ذيج المراقد بالهم نظرها
ناح إلهدمها عاش بألمها ون إبكترها
إتذكر هضمها مغصوبه حقها صابوا  صدرها
ظل يجري العين … لم الحسنين
بالله اليا حين …مالج آثار

للحسن  يسأل  يبن الوديعه ضيف آنه عندك
ليش إبغدرهم بالسم تقطع يا عمي  جبدك
نعش  الإمامه قصة سهامه يرويها  لحدك
بيد  العدوان …قبرك  تربان
أصرخ حيران …و بروحي  النار

صد عله السجاد و إدموعه تجري إيقبل  ترابه
ناده يا صبرك شفت راس حسين بيد العصابه
إتذكر إقيوده ذيج الرزايه لوعت  مصابه
ناده  السجاد  …ظلم و ينعاد
نفس  الأحقاد  …نفس الأشرار

إتعنه  للباقر و إقليبه شاجر و أهوه اعله  تربه
صاح من أشاهد هاي المراقد عالمهدي  صعبه
ناده للصادق قبرك يجدي بالثار  أكتبه
و  إعتنه الحره الطاهره أم عباس يطلبها  طلبه
يم  الأطياب …طولت إغياب
إبحق  داحي الباب …إدعي  الجبار