من رحت عن أمتك يا طاها

من رحت عن أمتك يا  طاها

عقب عينك يالنبي تدري  اشجره
و  السبب عافت كلام  القرره

راد  سيد الرسل خير  الأمته
خسرت الأمه حين العافته

يا  رسول الله حين اللي  رحت
ريت  حي  يالهادي و بعينك  شفت

بايعت  هالأمه تمشي  بالعدل
ما  ردت عن دينها الوادم  تزل

من عقب عينك غصبوا  فاطمة
و ظلت الزهره الزجيه  إمألمه

يالنبي بالحاله تدري و  مطلع
الزهره  عقبك  كسروا منها الضلع

خل يجي لمصيبته الهادي الأمين
و  ما درينه إشلون حال أم  الحسين

إمصيبتك يالهادي ما  ننساها

عله  الأمه و بقت كلها  إمحيره
و  ما نفع حجي النبي  وياها

سمعته إينادي بالحق  سمعته
و  هو للحق و العدل ناداها

إبعكس صارت يالنبي كلما  قلت
عقبك الأمه مندري إشجاها

و  تلتزم  منهجك يا سيد  الرسل
و  ما يفيد النهي إشما  تنهاها

و غصبوا إحقوق الوصي حامي الحمه
و  قامت الفقدك تهل  عيناها

ما بده من أمتك خير و  نفع
و الزمان إبراحه ما  خلاها

الفقد طاها و حق نهل دمعة  العين
و  الوكت ضيم و محن  راواها